ከ800 ሚሊዮን ብር በላይ ያልተወራረደ ገንዘብ መኖሩን የመንግስት ዋና ኦዲተር መስሪያ ቤት አስታወቀ

የፌድራል ዋናኦዲተር ለተወካዮች ምክር ቤት የ2005 በጀት አመት ሪፖርትን ባቀረረበት ወቅት በ77 የመንግስት መስሪያ ቤቶች ውስጥ 8 መቶ 87 ሚሊዮን 45 ሺ 264 ብር  ከ60 ሳንቲም ያልተወራረደ ገንዘብ መኖሩን ይፋ አድርጓል።

የገንዘብ አያያዝን በተመለከተ በአምስት መስሪያቤቶች ውስጥ በተደረገ የናሙና ጥናት ከ1 ሚሊዮን ብር በላይ ገንዘብ ጉድለት መገኘቱም ተገልጿል።

አምና መከላከያን ጨምሮ በተደረገው ምርመራ ከ3 ቢሊዮን ብር በላይ የገንዘብ ጉድለት መገኘቱ ይታወቃል። አብዛኛው የገንዘብ ጉድለት የተገኘው ከመከላከያ ሚኒስቴር ነው። ይህ የገንዘብ ጉድለት በምን መንገድ እንደተፈታ እስካሁን የታወቀ ነገር የለም።